Идет загрузка...
Сегодня:  Пятница, 29 Марта, 2024 года

Статьи

Աբովյանի քաղաքապետ Վահագն Գևորգյանի շնորհավորական ուղերձը Վերջին զանգի առիթով

14:08, Пятница, 24 Мая, 2019 года
Աբովյանի քաղաքապետ Վահագն Գևորգյանի շնորհավորական ուղերձը Վերջին զանգի առիթով
     Սիրելի՛ շրջանավարտներ,
     Ջերմորեն շնորհավորում եմ բոլորիդ «Վերջին զանգի» առթիվ։ Այսօր դուք ապրում եք ձեր կյանքի ամենապատասխանատու օրերից մեկը, երբ վերջին պահերն եք անցկացնում հարազատ կրթօջախում, սիրելի ուսուցիչների և դասընկերների հետ։ Վստահաբար ասում եմ, որ դպրոցը ձեզ համար երկրորդ տուն է եղել, ուր ձեզ վերաբերվել են, որպես հարազատ երեխայի: Դպրոցի հետ են կապված ձեր նվիրական ու հետաքրքիր հուշերը, ուրախ ու անհոգ ակնթարթները։ Եվ այսօր դուրս գալով կրթօջախից՝ դուք մուտք եք գործում կյանքի մի նոր շրջափուլ, որտեղ պետք է կիրառեք տարիներով ձեռք բերված գիտելիքներն ու հմտությունները։
     Դուք՝ նորօրյա, պայծառ, խելացի, ուժեղ, ըմբոստ երիտասարդությունդ, մեր պետության ու հասարակության իրական հպարտությունն եք, որը կերտելու է սեփական հայրենիքի նոր պատմությունը։ Մեծագույն նվաճում է, Ձեր պես կամային բարձր հատկանիշներով երիտասարդություն ունենալը և լիահույս եմ, որ դուք կառուցելու եք ավելի ուժեղ երկիր ու ամուր բանակ:
     Սիրելի՛ շրջանավարտներ, հարգելի ուսուցիչներ, երեխաների ապագայի համար ոչինչ չխնայող հոգատար ծնողներ շնորհավորում եմ ևս մեկ անգամ և մաղթում եմ ձեզ մեծ հաջողություններ գալիք ձեռնարկումներում:
     Սիրելի շրջանավարտներ, օգտվեք Ձեզ ընձեռված հնարավորությունից ՝ զինվեք լիարժեք գիտելիքներով և հարստացրեք ձեր իմացությունը, քանի որ բոլոր ժամանակներում հաղթում է խելացի ու կիրթ մարդը, իսկ մեր պետությանը այդպիսիքն են պետք:
    
    
     Աբովյանի քաղաքապետ Վահագն Գևորգյան
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3024 | 0 | 0
Facebook