Երգահան Արմեն Վիրաբյանի տարեդարձը և ՝՝ArmDreams.com՝՝ կայքի 3ամյակը Երգահան, պրոդյուսեր, լուսանկարիչ Արմեն Վիրաբյանի տարեդարձը, իր հեղինակային երգերի երեկոն և «ArmDreams.com» կայքի 3- ամյակը դարձան պատճառ, որ մարտի 13-ը նրա համար դառնար անմոռանալի: Երևանյան ակումբներից մեկում հավաքվել էին Ա. Վիրաբյանի ընկերները, հարազատները, կոլեգաները, ովքեր վայելեցին նրա հեղինակային երգերը սիրված երգիչների և երգչուհիների կատարմամբ: Իրենց կատարումներով ներկայացան Մաշա Մնջոյանը, Լենա Ղազարյանը, Վահագ Ռաշը, Դալիթան, Մեգին, «DreamGirls» նորաստեղծ խմբի աղջիկները, դաշնակահար Նարեկ Հովհաննիսյանը, ջութակահար Գոհար Խաչատրյանը, Էլինա Չոլախյանը, Հայկ Դուրգարյանը, Մաշա Ենոքյանը, Կարեն Օհանյանը և այլք: Երեկոն վարում էր սիրված հաղորդավար Արսեն Խաչատրյանը: Երեկոյի հովանավոր աջակիցներն էին Պրոգրեսս Պրինտ տպագրատունը և Լեդի Ֆուրշետ ընկերությունը: Լուսանկարիչ Դավիթ Ջոտյան