Կարոտի աղբյուր, ինչո՞ւ է այդպես,
Ինչո՞ւ եմ հուզվում, երբ հիշում եմ քեզ,
Ինչո՞ւ եմ նեղվում, ինչու եմ տխրում,
Միթե դա է սեր, այդպես են սիրում:
Ինչո՞ւ միայն ես, միայն քեզ սիրեմ,
Ինչո՞ւ միայն ես, միայն ես սիրեմ:
Մոռանամ ես քեզ, ուրիշին սիրեմ.
Անցյալ մոռանամ և նորին սիրեմ:
Չգիտեմ ինչու, դեռ սիրում եմ քեզ,
Չգիտեմ ինչու, կարոտում եմ քեզ:
Չեմ ուզում սիրել ուրիշին կարծես
Ուզում եմ սիրել, սիրել միայն քեզ:
Սերյոժա Հովհաննիսյան «Վարդագույն լույսեր»