Մաթեմատիկական բազում հաշվարկները ցույց են տվել, որ ամբողջ տարին պարունակում է, առնվազն, մեկ «ուրբաթ 13» և, առավելագույնը, երեք «ուրբաթ 13»: Հետաքրքրական է գրականության ու արվեստի գործիչների սնոտի վախն ուրբաթ օրվանից ու 13 թվից: Բազմաթիվ գրողների, դրամատուրգների և երաժիշտների կյանքի վրա ուրբաթն ու 13-ը լավ կամ վատ ազդեցություն են ունեցել:
Ֆրանսիացի հռչակավոր կոմպոզիտոր Ժյուլ Մասնեն (1842 - 1912) սարսափել է 13 թվից և այն երբեք չի արտասանել ու չի գրել: Փարիզի օպերային թատրոնի գրադարանում պահպանվող նրա ձեռագիր բոլոր տետրակներում բացակայում է 13-րդ էջը, ավելի ճիշտ, 13 –ը փոխարինված է «12 bis» -ով:
Մասնեն մահացել է 1912 թվականի օգոստոսի 13-ին: Գումարեք այս չորս թվերը.
1 + 9 + 1 + 2 = 13: Ինչպես ասում են, ճակատագրիցդ չես փախչի:
