Статьи

ՀՀ վարչապետ Նիկոլ Փաշինյանը ֆեյսբուքի իր պաշտոնական էջում կոչ է արել համացանցում հայերեն տեքստերը գրել հայատառ:

«Սիրելի՛ հայրենակիցներ, հասարակական նախաձեռնությամբ 2012 թվականից ի վեր փետրվարի 7-ը հռչակվել է համացանցում հայատառ գրելու օր:

Այս առումով ինձ համար բոլոր օրերն էլ փետրվարի 7-ն են և ուզում եմ բոլորիդ կոչ անել՝ համացանցում հայերեն տեքստերը գրել հայատառ:

Դա առավել հարգալից մոտեցում է ոչ միայն մեր ազգային հանճարի՝ Մեսրոպ Մաշտոցի, այլև բոլոր այն օգտատերերի նկատմամբ, ովքեր Ձեր գրառումները կարդում են», - գրել է Նիկոլ Փաշինյանը: