Идет загрузка...
Сегодня:  Понедельник, 23 Сентября, 2019 года

Статьи

Ոչի՜նչ…

20:24, Пятница, 25 Января, 2019 года
Ոչի՜նչ…
    
    
    

*

Ուզում եմ կիսել ճի՜չս խնդության,

Երբ որ քայլում եմ արծաթե ճամփով

Ա՜յն, որ լուսինն է բացում իմ առաջ

Գիշերվա փափո՜ւկ ու նուրբ ձեռքերով:

*

Քեզ հետ ուզում եմ տեսա՜ծս կիսել՝

Գիշերվա նա՜խշը սպիտակ անրջում,

Ուզում եմ քե՜զ էլ խելքահան անել-

Ինչպես որ ե՜ս եմ խելքս կորցնում:

*

Ուզո՜ւմ եմ նամակ գրել քեզ,

Աստղերի սառած ձեռքով հնգամատ,

Ուզում եմ նամակս բացե՜ս ու տեսնես,

Որ չկա՜ ոչինչ, բայց կա՜ ինչ-որ բան:

*

Ուզում եմ կիսել ամե՜ն-ամեն ինչ,

Բայց միայն լա՜վը, վատը մնա ինձ,

Կիսել երգերս ծնված կարոտից,

Սի՜րտս էլ կիսել - մնալ կիսասիրտ:

*

Սիրող սրտերը այնքա՜ն են մաքուր-

Ասես թե չունե՜ն իրենց մեջ ոչինչ,

Ասես թե մո՛ւժ են՝ թա՜նձր վարդագույն-

Ոչնչով կիսվո՜ւմ են, կիսո՜ւմ են ոչինչ…

*

Քեզանից բացի ո՞վ կհանդգներ

Իմ սիրտը կիսել՝

Խաղալ իմ սրտի բջիջների հետ,

Ո՞վ կհանդգներ իմ սիրտը փորել՝

Կիսվել իր սրտի ոչինչների հետ…

Продвижение этого поста

Нравится
0
Не нравится
0
| | |
1812 | 0 | 0
Facebook
COMMENT.am