Идет загрузка...
Сегодня:  Пятница, 29 Марта, 2024 года

Статьи

Երբ սրտում ես

14:09, Четверг, 10 Января, 2019 года
Երբ սրտում ես

Ես մի՜շտ քեզ փնտրել եմ ա՛յն ժամանակ,

Երբ սրտում ես եղել,

Պարանոցիդ բույրն է եղել

շուրթերիս

Ուշաթափված հիշողությունը

Եվ

Քեզ փիլիսոփայորեն սիրելուս համար

Ընտրել եմ մեռնող երեկոն:


    

Արցունքնե՜րս թողել եմ

Քո կայարանում՝

Ջե՜րմ, հաճելի մթնոլորտ-

Կի՜ն ես եղել, բայց անաղարտ

Եվ իմ գրկում ծնել

Հանգիստ սպանող կենսոլորտ:


    

Դարձել ես բանաստեղծությո՜ւն

Լցվե՜լ իմ մեջ,

Հասունացել տո՜ղ առ տող,

Խճճե՜լ ես իմ մեջ

Աշխարհի ողջ գույները՝

Քարկապել լեզուս անունդ տվող…


    

Թե ի՞նչ թողեցիր քեզանից հետո-

Միայն ե՛ս գիտեմ,

Միայն դո՛ւ,

Առասպել դարձար,

Կենդանի լեգենդ՝

Հազար թելերով գործած

Մի հիշողություն:


    

Մի գդալ մե՜ղր սև հացին քսած,

Հրդեհից ծնված մի կարո՜տ,

Ես փնտրո՜ւմ եմ քեզ,

Ես չե՛մ գտնում քեզ

Սեփական սրտիս կաթնագույնի մեջ:


    

Ինչպես որ եկա՜ այդպես չե՛մ գնա,

Կգնամ ծա՜նր, շա՜տ ծանր սրտով,


    

Գնացի՜ր, սրտիցս դո՛ւրս չեկար,

Միգուցե հեռվից

նայես անվրդով…


    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3966 | 0 | 0
Facebook