Идет загрузка...
Сегодня:  Четверг, 28 Марта, 2024 года

Статьи

Քաղաքացուց խլված քվեի իրավունքը վերականգնվեց․ ՍԴՀԿ հայտարարությունը

19:06, Понедельник, 10 Декабря, 2018 года
Քաղաքացուց խլված քվեի իրավունքը վերականգնվեց․ ՍԴՀԿ հայտարարությունը
     Սոցիալ Դեմոկրատ Հնչակյան Կուսակցության Կենդրոնական Վարչությունը հայտարարություն է տարածել, որում ասված է․
     «Սոցիալ Դեմոկրատ Հնչակյան Կուսակցության Կենդրոնական Վարչությունը շնորհավորում է Հայաստանի Հանրապետության քաղաքացիներին՝ արդար, ազատ ու թափանցիկ արտահերթ խորհրդարանական ընտությունների կապակցությամբ:
     Անկախ արդյունքներից՝ այս ընտրությունը հաղթանակ է ոչ միայն Հայաստանի քաղաքացիների, այլև համայն հայության համար: Տասնյակ տարիներ բռնությամբ, խարդախությամբ ու ընտրակեղծիքների միջոցով Հայաստանի քաղաքացուց խլված քվեի իրավունքն այսօր վերականգնվեց, և քաղաքացին կրկին հնարավորություն ունեցավ ոչ միայն քվեարկելու իր նախասիրած թեկնածուի օգտին, այլև յուրաքանչյուր քվեն վերաիմաստավորվեց։ Իսկ սա անտարակույս Թավշյա Հեղափոխության մեծագույն նվաճումներից մեկն է:
     Հուսով ենք, որ այս ընտրությամբ սկիզբը կդրվի քաղաքական նոր մշակույթի՝ հիմնված ժողովրդավարական ակզբունքների վրա, ուր գերիշխողը կլինի ոչ թե սեփական կամ խմբային նեղ շահը այլ գաղափարական ու ծրագրային պայքարը:
     Շնորհավորում ենք նաև ընտրություններին հաղթանակած կուսակցություններին, և մաղթում, որ նորընտիր Ազգային ժողովն ու ապագա վարչակարգը անմիջապես կլծվեն հայրենիքի առաջ ծառացած բազում մարտահրավերների հաղթահարման գործին, հանուն ժողովրդավար, սոցիալապես արդար ու բարգավաճ Հայաստանի։
    
    
     ՍԴՀԿ Կենդրոնական Վարչություն
    
    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
1926 | 0 | 0
Facebook