Քիչ առաջ Բյուրեղավան համայնքի ղեկավար Հակոբ Բալասյանը՝ տիկնոջ հետ 28/08 ընտրատեղամասում կատարեց իր քաղաքացիական պարտքը: Համայնքի ղեկավարը մաղթեց բարի, խաղաղ ընտրություններ մասնավորապես նշելով. «Քվեարկել եմ հանուն համերաշխության, մեր երկրի խաղաղության, առաջընթացի և աշխատանքի: Վստահ եմ մեր երկիրը գնալու է դեպի զարգացում բոլոր ուղղություններով»:
2018թ-ի դեկտեմբեր 9-ին Հայաստանի Հանրապետությունում տեղի են ունենում ԱԺ արտահերթ խորհրդարանական ընտրություններ: Բյուրեղավան համայնքն ընդգրկված է Կոտայքի մարզի թիվ 28 ընտրատարածքում: Ըստ ԿԸՀ-ի, համայնքում ընտրողների թիվը՝ 8889 է /Բյուրեղավան, Նուռնուս, Ջրաբեր/: Համայնքում ձևավորվել է 6 տեղամաս: Այս պահի դրությամբ համայնքում ընտրություներն անցնում են հանգիստ, ընտրատեղամասերում ակտիվություն է նկատվում: Ժամը 14: 00-ի դրությամբ համայնքում ընտրություններին մասնակցել է 2268 քաղաքացի: