Նույնասեռականության և այլասերվածության մյուս դրսևորումների քարոզչության դեմ Ռուսաստանի ձեռնարկած թեկուզ մեղմ քայլերը տեղիք են տվել Արևմուտքի բուռն հակազդեցությանը: Նույնիսկ կոչեր են հնչել Արևմուտքում ռուսական բանկերի գործունեության ոլորտը սահմանափակել: «Այս ամենը վկայում է, որ ով սկսում է լուրջ պայքարել, նրա դեմ լուրջ հակաքայլեր են փորձում կատարել, բայց դրանցից վախենալ պետք չէ, - ասաց դրամատուրգ, երգահան Քրիստ Մանարյանը: - Ընդհանրապես, ոչ մեկից և ոչնչից վախենալ պետք չէ, եթե խոսքը գնում է մեր ժողովրդի, մեր գենի պահպանման, մեր զավակների վաղվա օրվա մասին, ոչ մի բանից վախենալ պետք չէ»: Հավելենք, որ Հայաստանում ևս պայքար է սկսվել այլասերվածության տարբեր դրսևորումների քարոզչության և այդ քարոզչության համար նպաստավոր, դրա հնարավորությունը տվող «Գենդերային» օրենքի (պաշտոնապես` «Տղամարդկանց և կանանց հավասար իրավունքների և հավասար հնարավորությունների ապահովման մասին» ՀՀ օրենք) և «Խտրականության դեմ» ՀՀ օրենքի նախագծի դեմ:
