Статьи

Մի՛ փորձեք սիրտս բացել ու կարդալ

(Դա նույնիսկ ինձ չի հաջողվում)

Ավելի հե՜շտ է իմ էջը բանալ-

Փորձել հասկանալ

Ինչ չի երևում:

Սրտումս հիմա մի աշո՜ւն է մեղմ,

Մերկացած ծառերի սոսափյուն,

Նստել եմ աշնան հետ դե՛մ առա դեմ՝

Սրտումս Գարուն…

Թե սերը մի օր ձեզ իմ սի՜րտ բերի

Կլսեք մի չքնա՜ղ մեղեդի,

Ա՜յն մասին թե ի՞նչպես է դրսում մեներգում

Քամուն մերձեցող բալենին:

Փորձում եմ իմ լեզվով աշնան հետ խոսել

Համոզել, որ սա՜ռն է ու տհաճ,

- Ա՜յ գիժ, աշունը քեզ ի՞նչ է արել,

Ժամանակից շուտ մի՛ ընկիր առաջ…

Աշո՜ւնն է բուրում հուզմունքով գարնան

Տարօրինակ, օտար մի աշուն,

… Մի՛ փորձեք սիրտս բացել ու կարդալ

Ես ինքս սրտիցս գլուխ չե՛մ հանում: