Идет загрузка...
Сегодня:  Четверг, 28 Марта, 2024 года

Статьи

Համր մասրենին

07:32, Среда, 10 Октября, 2018 года
Համր մասրենին
    
    
    

Անձրև է մաղում,

Վաղո՜ւց է, որ անձրևն արդեն չի հուզում,

Արև՞ թե՞ անձրև, ի՞նչ տարբերություն,

Երբ քո մասին եմ անընդհատ խոսում:


    

Այնքա՜ն եմ գրել քո մասին,

Այնքա՜ն զրուցել պատուհանիս հետ,

Որ այգումս աճած վայրի մասրենին

Ինձ ընդունում է խելագարի տեղ…


    

Մի խե՜ղճ հայացքով նայում է վրաս,

Ճյուղերն իջեցնում է հողին,

Քամին՝ այդ խելառն անաստված

Պոկում է պտուղները դեղին:


    

Տարիներս տեսնես ո՞վ տարավ,

(Համրություն է ի՜մ և մասրենու միջև)

Պարզվո՜ւմ է, որ այսքան ժամանակ

Մասրենի՜, ես քեզ հետ եմ կիսվել:


    

Խո՜ւլ, հա՜մր, համե՜ստ վկան ես եղել,

Մտքերի՜, խոսքերի՜, տրամադրությա՜ն,

Ինձ հետ հավասար դու էլ տառապել

Ու մերկացել ես մտքերիս նման:


    

Մասուրներիդ նման տարիներս թռան,

Կառչած անցյալի թևերից,

Չգիտեմ ինչո՞ւ, մասրենի աննման

Ամաչո՜ւմ եմ նայել աչքերիդ…


    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
4780 | 0 | 0
Facebook