Զրուցակիցս ԵՊՀ Ժուռնալիստիկայի ֆակուլտետի ուսանողուհի Թամարա Գասպարյանն է:
1.Առավոտը սկսում եմ...
-Դժգոհելով, որ անքուն եմ /ծիծաղում է/
2. Ի՞նչ չեք ուտի երբեք, որքան էլ քաղցած լինեք
-Որդ, միջատ ու խեցգետին, անգամ եփածի տեսքից սարսափում եմ /ծիծաղում է/
3.Սու՞րճ, թե՞ թեյ
-Միանշանակ թեյ, թեյի մեծ սիրահար եմ
4.Տուր ինձ գիրք, թեյ և …
-Լուռ միջավայր
5. Ո՞ր հայտնի մարդու հետ սուրճ կխմեիք
-Կուզեի Վահան Հովհաննիսյանի հետ, ցավոք, երբեք հնարավորություն չեմ ունենա...
6. Ի՞նչ կասեիք այս պահին, եթե ողջ աշխարհը լսեր Ձեզ
-Սիրե՜ք միմյանց, մարդի՛կ
7.Երազում եմ…
-Հիմնել մանկական հեռուստաալիք
8.Երբեք չեմ ցանկանա ինձ նվիրեն…
- Սրտանց չկամենալով (հարցերը բարդանում են) /ծիծաղում է/
9.Գուցե ես սխալվում եմ, բայց …
- Ամեն ինչ լավ է լինելու
10. Եթե ոչ լրագրող, ապա…
-Միմիայն լրագրող, իմ մեծ ու փոքր նպատակներն ու երազանքները կապված են լրագրության հետ
11.Երբ սովածություն եմ զգում կեսգիշերից հետո…
- Գնում եմ խոհանոց
12.Ասա ինձ՝ չես կարող, և ես…
- Քեզ կապացուցեմ հակառակը
13.Հավատում եմ, որ…
-Երազանքներն իրականանում են
14. Ապագայից ինչ-որ պահի կանխագուշակու՞մ, թե՞ տոմս դեպի մանկություն...
- Ապագայից ինչ-որ պահի կանխագուշակում
15.Ես՝ ես չեմ, երբ
-Քննությունների եմ պատրաստվում / ծիծաղում է/