«Հայաստանի երիտասարդական կառավարություն» նախագծի անդամներն այցելեցին Եռաբլուր
Այսօր առավոտյան «Հայաստանի երիտասարդական կառավարություն» նախագծի անդամները «Եռաբլուր» զինվորական պանթեոնում հարգանքի տուրք մատուցելով ծաղիկներ դրեցին 2016 թվականի ապրիլի 1-ի լույս 2-ի գիշերը արցախա-ադրբեջանական շփման գծում իրականացված լայնամասշտաբ ռազմական գործողությունների արդյունքում զոհված հայ զինվորների շիրիմներին:
Երիտասարդ առաջնորդները լուռ խոնարհումով մոմ վառեցին Արցախյան և Քառօրյա պատերազմներում զոհված ազատամարտիկների ու քաղաքական գործիչների անմահ հոգիների խաղաղության և փառքի համար:
«Հայաստանի երիտասարդական կառավարություն» նախագծի ներկայացուցիչները հավատում են, որ ներկա աշխարհի երիտասարդները, որոնցից շատերն ապագայում ուղենշելու են քաղաքական զարգացումները, լիովին համաձայնելու են միմյանց հետ բոլոր խնդիրները խաղաղ ճանապարհով լուծելու հարցում: