Օրերս Մոսկվայի կենտրոնում վթար է տեղի ունեցել հայ տաքսիստ Հրանտ Ալթունյանի և ռուս հայտնի ռեփեր Տիմատիի անվտանգության աշխատակիցների մասնակցությամբ։ Այս մասին հաղորդում են ռուսական լրատվամիջոցները: Բախվել են «Մերսեդես» և «Ֆոլցֆագեն» մակնիշի ավտոմեքենաները, ինչի հետևանքով ռեփերին պատկանող Gelandewagen-ն ամբողջությամբ այրվել է: Տիմատին հայ տաքսիստից պահանջել է 5-10 մլն ռուբլի փոխհատուցում:
Իրավապահ մարմինները մինչ օրս չեն կարողանում հայտնել ավտովթարի մեղավորին: Եթե հայ վարորդը ճանաչվի վթարի մեղավոր, Տիմատին կարող է դիմել դատարան՝ պահանջելով փոխհատուցել այրված մեքենայի վնասը: