Հունվարի 29-ը
Աբովյանի թիվ6 ավագ դպրոցում նշանավորվեց հայոց կենսագրականի փառավոր տոնի՝ հայոց բանակի տարելիցի հիշատակմամբ: Ձևավորվեց «Շնորհակալ ենք, Հայ զինվոր» խորագրով հուշատախտակ, կազմակերպվեց գրական-երաժշտական ցերեկույթ, որին մասնակցում էին 9-րդ, 10-րդ և 11-րդ դասարանների ներկայացուցիչներ: Մասնակիցների շուրթերից հնչեցին Հայոց բանակի
ստեղծման, անցած ուղու պատմությունը ներկայացնող խոսքեր, հերոսական երգեր, բարեմաղթանքներ: Հանդիսատեսը համակվեց Հայոց բանակի հերոսական ճանապարհի արժևորմամբ: Ռազմագիտության ուսուցչի կազմակերպմամբ ցուցադրվեցին ուսուցողական զինավարժություններ, որոնցով ամրագրվեց վաղվա Հայ զինվորի պատրաստակամ և պատրաստական կերպարը: