Идет загрузка...
Сегодня:  Пятница, 29 Марта, 2024 года

Статьи

Երեք ցանկություն

10:16, Суббота, 27 Января, 2018 года
Երեք ցանկություն

Արևելյան տիրակալներից մեկը մի անգամ իր իմաստուններից մեծագույնին ասում է.

-Սիրտս երեք բանի է ծարավ: Առաջին մեծ ցանկությունս այն է, որ իմ հպատակներից ոչ ոք այնպիսի հանցանք չգործի, որը ես չկարողանամ ներել:

Երկրորդ ցանկությունս այն է, որ երբեք այնպես չպատահի, որ ես չկարողանամ գոհացում տալ կարիքի մեջ գտնվող ու իմ օգնությունն ակնկալող հպատակիս խնդրանքին:

Իսկ երրորդ ցանկությունս է, որ հպատակներիցս ոչ մեկը ինձանից երկարակյաց չլինի:

Լսելով միապետին՝ իմաստունը ժպտում է: Միապետը զարմացած հարցնում է նրան.

-Ինչո՞ւ ես ժպտում, մի՞թե ցանկություններս այդքան ծիծաղելի են:

-Բայց մի՞թե հնարավոր է չծիծաղել, - պատասխանում է իմաստունը, - եթե դու ցանկանում ես այնպիսի բաներ, որոնք միայն աստծուն են բնորոշ:

Միապետը մի պահ խորհում է ու նրան ասում.

-Ասածներս թող ուրիշ ոչ ոք չիմանա, դրանք քո մեջ պահիր: Հանկարծ դրանք չբարձրաձայնես, որովհետև երբ մարդիկ իմանան, թե ինչեր եմ ցանկանում, ծաղրի առարկա կդառնամ:

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
4366 | 0 | 0
Facebook