Идет загрузка...
Сегодня:  Четверг, 28 Марта, 2024 года

Статьи

ԱՐԱՐՈՒՄ /չափածո/

Aram Hovhannisyan
Автор:
Aram Hovhannisyan
10:02, Среда, 03 Января, 2018 года
ԱՐԱՐՈՒՄ /չափածո/

Բառերը միջուկ ունեն,

Ունեն նրանք շապիկ,

Որպեսզի սաղմին հասնես,

Սերմիր այն հատիկ-հատիկ:
    
    

Շաղ տուր դու նրանց հողին,

Թող վրան անձրև տեղա,

Արևը շողերը փռի,

Տաքը հունդերին տա:
    
    

Ցերեկը գիշեր դառնա,

Երկուսը միասին` օր,

Լինի լուսինը վկա,

Բառի ծնունդին նոր:
    
    

Մայրացող հողում ծիլը

Թող որոշ դարձյալ մնա,

Որպեսզի պատեհ պահին,

Երբ կանչեն, արձագանք տա:
    
    

Գուղձերը մի կողմ հրի,

Տեղ բացի ձեռաց համար,

Կախվի մահիկից կեռ,

Ուժ տա թևքերին բարակ:
    
    

Իսկ հենց օրն աչքը բացի,

Արեգն ընկնի ճամփա,

Բռնվի արդեն շողքից,

Եվ ելնի հողից կամաց:
    
    

Եվ ելնեն հերթով, հուշիկ,

Շարվեն մեկմեկու դիմաց,

Թիկունքով իրար, մոտիկ,

Հագած հանդերձներ կանաչ...
    
    

Գորգն այս ո՞ւմ կամքով հյուսվեց,

Սերմին ո՞վ ընծայեց կյանք,

Որպեսզի Էությունը տեսնենք,

Իմաստին հասու դառնանք:
    
     ՀԱՆԳՐՎԱՆ շարքից

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
11828 | 0 | 0
Facebook