Идет загрузка...
Сегодня:  Четверг, 28 Марта, 2024 года

Статьи

Երևանի քաղաքապետարանի և Մարսելի տուրիզմի ու կոնգրեսի գրասենյակի միջև ստորագրվել է համագործակցության հուշագիր

Yerevan info
Автор:
Yerevan info
18:55, Понедельник, 27 Ноября, 2017 года
Երևանի քաղաքապետարանի և Մարսելի տուրիզմի ու կոնգրեսի գրասենյակի միջև ստորագրվել է համագործակցության հուշագիր

Երևանի և Մարսելի միջև ստորագրված բարեկամության և համագործակցության համաձայնագրի 25-ամյակի առթիվ պաշտոնական այցով Մարսելում գտնվող Երևանի քաղաքապետարանի պատվիրակությունը մասնակցել է հայ-ֆրանսիական առևտրաարդյունաբերական պալատի կողմից կազմակերպված գործարար համաժողովին, որի ժամանակ Երևանի քաղաքապետի օգնական, տուրիզմի ոլորտը համակարգող Մարիա Բարաղամյանը ներկայացրել է Երևանի զբոսաշրջային ոլորտի ներուժն ու զարգացումը, մասնավորապես միջոցառումային զբոսաշրջության, ենթակառուցվածքների ստեղծման և զբոսաշրջության ոլորտում առկա ներդրումային ծրագրերի համատեքստում:

Այնուհետև համաժողովում Երևանի քաղաքապետարանի, ի դեմս քաղաքապետի օգնական Մարիա Բարաղամյանի, և Մարսելի տուրիզմի ու կոնգրեսի գրասենյակի, ի դեմս տիկին Դոմինիք Վլաստոյի ու Մաքսիմ Տիսսոյի, միջև ստորագրվեց համագործակցության հուշագիր, որի շրջանակում կողմերը պարտավորվել են ակտիվորեն նպաստել երկուստեք համագործակցության խորացմանն ու նպատակային քայլեր ձեռնարկել երկու քաղաքների միջև զբոսաշրջության ոլորտը զարգացնելու նպատակով՝ իրականացնելով փորձի փոխանակման, վերապատրաստումների կազմակերպման, անհրաժեշտ նյութերի և տեղեկատվության փոխանակման հստակ ծրագրեր:

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
1923 | 0 | 0
Facebook