Идет загрузка...
Сегодня:  Пятница, 29 Марта, 2024 года

Статьи

ԱՅՍՕՐ ԱՐՑԱԽԻ ԹԵՄԻ ԱՌԱՋՆՈՐԴ ՊԱՐԳԵՎ ԱՐՔԵՊԻՍԿՈՊՈՍ ՄԱՐՏԻՐՈՍՅԱՆԻ ԾՆՆԴՅԱՆ ՕՐՆ Է

15:00, Среда, 20 Марта, 2013 года
ԱՅՍՕՐ ԱՐՑԱԽԻ ԹԵՄԻ ԱՌԱՋՆՈՐԴ ՊԱՐԳԵՎ ԱՐՔԵՊԻՍԿՈՊՈՍ ՄԱՐՏԻՐՈՍՅԱՆԻ ԾՆՆԴՅԱՆ ՕՐՆ Է

ԱՀԹ «Արարատ» հոգևոր միությունը շնորհավորում է Սրբազան Հորը ծննդյան տարեդարձի առիթով:


    

1954 թվականի այս օրը` մարտի 20-ին Սումգայիթ քաղաքում (Ադրբեջան) ծնվել է Արցախի թեմի առաջնորդ, Արցախյան ազատամարտիկ, հրամանատար Պարգև արքեպիսկոպոս Մարտիրոսյանը:
    

1966թ. Մարտիրոսյանների ընտանիքը տեղափոխվել է Երևան: 1971թ. ավարտել է Երևանի թիվ 132 ֆիզիկա-մաթեմատիկական թեքումով հատուկ դպրոցը: 1971-1972 թթ. սովորել է Երևանի Պոլիտեխնիկական Ինստիտուտի (Երևանի Պետական Ճարտարագիտական Համալսարան) էլեկտրա-տեխնիկական բաժնում: Այնուհետև տեղափոխվել է Երևանի Բրյուսովի անվան ռուսաց և օտար լեզուների Մանկավարժական Ինստիտուտ (այժմ` Բրյուսովի անվան Լեզվաբանական Համալսարան), որն ավարտել է 1976 թ.:
    

Ինստիտուտն ավարտելուց հետո նա ռուսաց լեզու և գրականություն է դասավանդել Եղեգնուտ գյուղում, Հոկտեմբերյանի շրջան, այնուհետև զինծառայության է զորակոչվել սովետական բանակ: 1978-1980 աշխատել է Արդյունաբերության Նախարարությունում: 1980թ. ընդունվել է Սուրբ Էջմիածնի հոգևոր ճեմարան, 1984թ. գերազանց առաջադիմությամբ ավարտել է այն: 1983թ. ձեռնադրվել է սարկավագ: 1985 թ. սեպտեմբերի 8-ին ձեռնադրվել է կուսակրոն քահանա: 1987 թ. ստացել է Աստվածաբանության դոկտորի աստիճան:
    
     1987թ. նշանակվել է Ս. Հռիփսիմե վանքի վանահայր: 1987 թ. ապրիլ ամսին ստացել է Վարդապետի, իսկ 1988 թ.` Ծայրագույն Վարդապետի աստիճան: 1988 թ. նոյեմբերին ձեռնադրվել է եպիսկոպոս: 1989թ. մարտին Պարգև եպս. Մարտիրոսյանը նշանակվել է Հայ Առաքելական Եկեղեցու Արցախի թեմի առաջնորդ:
    

1999թ. մայիսի 29-ին ձեռամբ Նորին Սրբություն Գարեգին Բ Ամենայն Հայոց Կաթողիկոսի Պարգև Սրբազանին շնորհվել է արքության պատիվ:

Պարգև սրբազանը իր անգնահատելի մասնակցությունն է ունեցել Արցախյան գոյամարտում:


    

Աղբյուրը` facebook.com/sseahm


    
    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
12335 | 1 | 0
Facebook