Դե լավ, որ ֆուտբոլը այսքան շատ է քննարկվում, մի բան էլ ես ասեմ։ Իրականում պետք չէր ժամանակին Դանիային կամ Սլովակիային հաղթելուց այնքան ուժգնությամբ տոնել ու դա համարել մեր ֆուտբոլի վերածնունդ, որ հիմա էլ պարտություններ տեսնելով հիասթափվեք։ Փաստը մնում է փաստ, որ մեր հավաքականը թույլ է։ Ու հաղթելուց պետք է ուղղակի ուրախ լինել, իսկ պարտվելուց չտխրել, սրանում ոչ ոք մեղավոր չէ, սա մեր ֆուտբոլի պատկերն է, մենք չունենք ոչ որակյալ տեղական առաջնություն և ոչ էլ բարձրակարգ ֆուտբոլիստներ, ովքեր պատրաստ են ազգային հավաքականում խաղալ, սիրելով ազգը և կարևորելով այդ ազգի անունից ներկայանալը։ Փոխարենը կարող ենք նշել, որ ծանրամարտում կամ ըմբշամարտում մեր երկիրն անմրցելի է։