Статьи

Հարգելի «ՎԵՈԼԻԱ ՋՈՒՐ» փակ բաժնետիրական ընկերության ղեկավարություն, Բազմիցս ահազանգել եմ, որ Մասիս քաղաքի և շրջակա գյուղերի բնակիչներին մատակարարվող ջուրը պիտանի չէ խմելու համար և այն օգտագործելի է միայն կենցաղում:
     Հաշվի առնելով հազարավոր բնակիչների արդարացի զայրույթն ու պահանջը, ինչպես նաև այն հանգամանքը, որ ձեր կողմից մատակարարվող խմելու ջուրը իրենից առողջական լուրջ վտանգ է ներկայացնում, իսկ այս ջուրը խմում են մեր երեխաները, որոնց առողջության մասին հոգ տանելը յուրաքանչյուրիս առաջնային խնդիրն է, որպես Մասիսի քաղաքապետ, կրկին անգամ կոչ եմ անում անհապաղ ձեռնարկել բոլոր անհրաժեշտ միջոցառումները` նշված բնակավայրերին խմելու համար պիտանի ջուր մատակարարելուն:

Քաղաքապետ` Դավիթ Համբարձումյան