esyes.am-ն իր ընթերցողներին հայտնել էր, որ այսօր «Առաջին ալիքի» եթերում ընտրվելու է «Պատանի պարողների Եվրատեսիլ 2013» -ի հայաստանյան մասնակիցը: Ընտրությունն արդեն արված է: Մրցույթի հայ ներկայացուցիչը 17-ամյա Վահագն Մարգարյանն է:
Նշենք, որ նախընտրական փուլին մասնակցել էին 16-21 տարեկան 20 պարող: Նրանցից 11-ն անցել էին եզրափակիչ և այսօր պայքարում էին «Եվրատեսիլի» ուղեգրի համար:
Տեղեկացնենք, որ ըստ այս մրցույթի կանոնների՝ պատանի պարողը պետք է տիրապետի դասական բալետի հիմնական հմտություններին:
Հաղթողն ընտրվել է պրոֆեսիոնալ ժյուրիի կողմից, որի անդամներն էին՝ ՀՀ ժողովրդական արտիստ Վիլեն Գալստյանը, ՀՀ ժողովրդական արտիստ Հովհաննես Դիվանյանը, ՀՀ վաստակավոր արտիստ Աննա Մարիկյանը, Օպերայի և բալետի ազգային ակադեմիական թատրոնի մենապարող Ռուբեն Մուրադյանը և հայկական պարի մենապարուհի Լիանա Հակոբյանը:
Հայաստանն առաջին անգամ է մասնակցում «Պատանի պարողների Եվրատեսիլ 2013» -ին: Մրցույթը կկայանա հունիսի 14-ին:
esyes.am