Идет загрузка...
Сегодня:  Воскресенье, 21 Июля, 2024 года

Статьи

«Ես ուշադրության շնորհիվ լավ խաղացի, դարձա չեմպիոն»

Lusin
Автор:
Lusin
22:52, Суббота, 03 Сентября, 2016 года
«Ես ուշադրության շնորհիվ լավ խաղացի, դարձա չեմպիոն»

Շատ ուրախ եմ Եվրոպայի չեմպիոն դառնալու համար, դե, ինչպես միշտ, հեշտ չէ Եվրոպայի առաջնության խաղերը, ամեն երկիր ներկայացնում էր իր ուժեղագույն մասնակիցներին եւ ես ուշադրության շնորհիվ լավ խաղացի, դարձա չեմպիոն, -Եվպրոպայի շախմատի պատանի կրկնակի չեմպիոն Մամիկոն Ղարիբյանը փայլուն հաղթանակից հետո իր տպավորություններն է փոխանցում ու անկեղծանում` բոլորն էլ բարդ մրցակիցներ են եղել:

«Բոլորի հետ էլ պետք էր ուշադիր ու լուրջ խաղալ, խաղացի նաեւ առաջին համարի հետ, նրա հետ պարտիան հաղթեցի ոչ-ոքի: Միշտ փորձում եմ լավ խաղալ, որ չեմպիոն դառնամ, լինում է` ստացվում է, լինում է` չէ, դե մյուս տարիներին էլ կփորձեմ լավ խաղալ, -շարունակում է Մամիկոնը:


     Այսօր քաղաքապետ Ս.Բալասանյանը կրկնակի չեմպիոն, Գյումրու Տ.Պետրոսյանի անվան շախմատի մանկապատանեկան մարզադպրոցի սան Մամիկոն Ղարիբյանին, Մամիկոնի մարզիչ Սեդրակ Մաթեւոսյանին եւ մարզադպրոցի տնօրեն Աշոտ Գրիգորյանին պարգեւատրեց Գյումրու քաղաքապետարանի պատվոգրով` Գյումրու պատիվը միջազգային սպորտային խաղերում բարձր պահելու նպատակով:

Հայրենի ծննդավայրում կրկնակի չեմպիոնի պարգեւատրման միջոցառմանը ներկա էին մարզադպրոցների տնօրեններ, Հայաստանի շախմատի ակադեմիայի հիմնադիր նախագահ Սմբատ Լպուտյանը, Շիրակի մարզի շախմատի ֆեդերացիայի նախագահ, Ս.Բալասանյանի ավագ որդի Միսակ Բալասանյանը:

-Կանգնած ենք ձեր կողքին ամեն ինչով, ես` որպես քաղաքապետարանի պատասխանատու, քաղաքապետ, այսօր շատ մեծ ուշադրություն եմ դարձնում, ֆեդերացիան եւս պարտավորված է ամեն ինչ անելու, որպեսզի մենք կարողանանք ունենալ էսպիսի սաներ, ինչպիսին մեր Ղարիբյան Մամիկոնն է, -նշեց Ս.Բալասանյանը:

Մ.Ղարիբյանը ծնվել է Գյումրիում` շախմատասերների եւ շախմատիստների ընտանիքում: 10 տարեկանում` 2014-ին, նրան հաջողվեց փայլուն հաղթանակ տանել եւ իր տարիքային խմբում ճանաչվել Եվրոպայի շախմատի չեմպիոն: Այդ ընթացքում Եվրոպայից 35-36 երկիր էր մասնակցում խաղերին` 121 ներկայացուցչով: Մրցույթի ընթացքում Մամիկոնը պարտության էր մատնել 2 թուրք եւ 2 ադրբեջանցի մասնակցի:

Գյումրեցու պատանու 2-րդ փայլուն խաղը Պրահայում էր, օրեր առաջ նա Եվրոպայի շախմատի կրկնակի չեմպիոնի տիտղոսին արժանացավ:

Արդնեն 1 տարի է` Մամիկոնի ընտանիքն ապրում է Երեւանում, Մամիկոնն անկեղծանում է` կարոտում է նախկին դասընկերներին, բայց եւ արդեն հարմարվել է պայմաններին:

-Տեղափոխվեցինք Երեւան, որ ավելի ուժեղանամ, պարապում եմ Աշոտ Անաստասյանի մոտ, որը Հայաստանի ամենաուժեղ մարզիչն է, -ասում է նա:

Գյումրեցի պատանին հաղթելու պատրաստակամությամբ շարունակելու է մասնակցել տարբեր խաղերի:

Անի Մկրտչյան
     http://www.asparez.am/gyumri-hy/mamikon-chempion_hy/

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
7603 | 0 | 0
Facebook