Միջոցառումն սկսվեց ուսուցչի՝ Լիանա Գեղամյանի խոսքով: Նա նշեց, որ պատահաբար են հանդիպում կյանքում, հրաժեշտ տալիս անհրաժեշտաբար: Այդպես էլ իրենք.չորս տարի առաջ պատահաբար հանդիպել են միմյանց, նավարկել միևնույն նավում, հաղթահարել շատ դժվարություններ, արգելքներ, ունեցել ձեռքբերումներ, նվաճումներ: Եվ ահա, այսօր եկել է պահը անհրաժեշտաբար հրաժեշտ տալու:
Ուսուցչից հետո երգի հնչյունների ներքո ներկայացրերին իրենց անցած 4 տարիները՝ տեսահոլովակի տեսքով: Այնուհետև ելույթ ունեցան երեխաները: Նրանք իրենց ավարտական խոսքը համեմեցին գեղեցիկ գարնանային բանաստեղծություններով, հրաժեշտի ջերմ, հուզիչ խոսքերով, մանկական կատակ երգերով, պարերով և հումորներով:
Միջոցառումը կազմակերպված էր բարձր մակարդակով, բովանդակալից էր, հարուստ՝ գեղեցիկ դեկորացիաներով, ինչն էլ յուրահատուկ շուք տվեց այդ ամենին: