«Հաղթիր, որ ապրես...» հերթական գրական-երաժշտական երեկոն, որ «Վիվարտ» մշակութային հասարակական կազմակերպությունը նվիրել էր երիկամի քաղցկեղով հիվանդ փոքրիկ Լիլիթին, ով ապաքինվում էր Ֆրանսիայում: Բարեգործական երեկոն կայացավ նաև շնորհիվ գլխավոր աջակից Երևանի կինոյի և թատրոնի ինստիտուտին կից Ուսումնական թատրոնի` տնօրինությամբ Էրիկ Բարսեղյանի: «-Գուցե մեր սպասելիքներն ու ցանկությունները լիարժեք չիրականացան, բայց կարևորն այն է, որ մեր հոգու ձայնն ու սրտի ցանկությունը հասցրեցինք առ Աստված, - ասում էր Վիվարտի տնօրեն Վ. Գասպարյանը, - քանզի օրը` պատահական ընտրված, և շատ տխուր էր, և շատ հերոսական: Մենք հավատում էինք, որ Դուշմանի` մեր Վարդանի չապրած տարիները կդառնան Լիլիթի ապրելու տարիները: Մենք հավատում ենք փոքրիկի հաղթանակին: »
