Статьи

Ավտոբուսով աշխատանքի գնացող տարեց հրեան բարձրաձայն հոգոց է հանում: Կողքին կանգնած ուղևորը նրան հարցնում է, թե հո վատ բան չի պատահել:

-Ի՜նչ ասեմ, հիմա ես աշխատանքի եմ գնում, իսկ իմ երիտասարդ գեղեցիկ կինը տանը մենակ է, և հիմա, առիթից օգտվելով, նրա մոտ է գնացել այն երիտասարդ անպատկառ Զյաման: Մեկ էլ տեսար նա նրա մոտ գիշերեց:

-Ինչո՞ւ եք անհանգստանում: Դեռ գիշերվան ինչքա՜ն կա:

-Չէ՛, դուք այդ Զյամային չգիտեք: Նա կարող է նույնիսկ ցերեկը գիշերել:

***

Աբրամը կնոջը բռնացնում է սիրեկանի հետ ու զայրացած ասում է.

-Մնում է բերանդ մի հատ էլ ծխախոտ դնես, ու իսկական մարմնավաճառի կնմանվես:

***

Սառան թանկարժեք մուշտակ է գնում խանութում ու վաճառողին ասում է.

-Ուզում եմ ձեզ խնդրել, որ այս մուշտակը հասցնեք իմ տուն, բայց մինչև իմ դռան զանգը տալը, խնդրում եմ, սխալմամբ մտնեք իմ հարևանուհի Ֆրիդայի տուն:

***

Գնացքի վագոնախցերից մեկում մայրն ու աղջիկ են ու վրացի, ռուս ու հրեա տղամարդիկ: Գնացքը թունել է մտնում, վագոնախցում կատարյալ խավար է տիրում: Մեկ էլ լսվում է համբույրի ու ապտակի ձայներ: Գնացքը թունելից դուրս է գալիս, և բոլորի դեմքի արտահայտությունն այնպիսին է, ասես ոչինչ էլ չի եղել: Մայրը մտածում է.

«Կեցցե՛ իմ աղջիկը: Նրան համբուրեցին, իսկ նա ապտակեց»:

Վրացին մտածում է.

«Եթե նորից թունել մտնենք, նորից կհամբուրեմ»:

Ռուսը մտածում է.

«Եթե նորից համբուրի, նորից մռութին կհասցնեմ»:

Հրեան մտածում է.

«Եթե մի անգամ էլ մռութիս խփեն, հաջորդ կայարանում կիջնեմ»:

***

Տղամարդը բաղնիքում լողանում է: Հանկարծ մեկ ուրիշ տղամարդ տաշտի կեղտոտ ջուրը նրա գլխին է լցնում: Առաջին տղամարդը կատաղում է ու մայր է հայհոյում: Երկրոդ տղամարդը ներողություն է խնդրում.

-Ներեցե՛ք, ես կարծեցի դուք Ռաբինովիչն եք:

Առաջին տղամարդն ավել ուժգին է գոռգոռում, և երկրորդը զարմացած ասում է.

-Չեմ հասկանում, թե ինչու եք Ռաբինովիչ կամար կռիվ տալիս:

***

Օդեսայի կենտրոնում հրեա երեխան վազում է ու գոռում.

-Վերջի՛ն նորությունը: Մե՛ծ խարդախություն: Հարյո՛ւր մարդ խաբված է:

Անցորդներից մեկը տղայից թերթ է գնում ու սկսում է արագ աչքի անցկացնել, իսկ տղան շարունակում է վազել ու գոռալ.

-Վերջի՛ն նորություն: Մե՛ծ խարդախություն: Հարյո՛ւր մեկ մարդ խաբված է:

***

Օվկիանոսով նավարկում է հրեա ծովահենների նավը: Կայմին՝ մարդու գանգի ու ոսկորների պատկերով սև դրոշ է, իսկ դրանից ներքև՝ սպիտակ դրոշ: Համենայն դեպս…

***

Հանդիպում են երկու հրեա:

-Գիտե՞ս, Յաշան երկու օր առաջ ամուսնացավ:

-Սիրո՞ւմ էր, թե՞ փողի համար:

-Հարսնացուին ուզեց՝ փողի համար, իսկ փողն ուզեց՝ սիրուց մղված:

***

Փոքրիկ Մոյշան տուն է վերադառնում առանց նոր գնված սահնակի: Ծնողները հարցնում են, թե ուր է սահնակը:

-Գիտեք, ասում է, երեխան, - մի պապիկ խնդրեց.թոռանը ման տալ էր ուզում: Ասաց, որ մեկ ժամ հետո սահնակը մեր տուն կբերի:

Հայրը ջղայնանում է.

-Հույս ունես, թե սահնակը վերադարձնելո՞ւ է: Սպասելո՛վ կմնաս:

Մայրն ասում է.

-Շատ էլ ճիշտ է արել: Լավ է, որ մեր որդին այդքան բարի ու կարեկից է:

Մեկ ժամ անց դուռը թակում են: Դռան դիմաց ծերունին է՝ ձեռքին սահնակն ու մեկ տուփ կոնֆետ: Մոյշան անմիջապես ուշադիր զննում է սահնակն ու ասում.

-Ամեն ինչ կարգի՛ն է: Տո՛ւր կոնֆետները ու ստացի՛ր ժամացույցդ:

***

Սառան ասում է Աբրամին.

-Լսի՛ր, ծե՛ր ապուշ: Երբ երիտասարդը կխնդրի մեր դստեր ձեռքը, բավական է ասես «այո», և ոչ թե համբուրես նրա ձեռքերը և ասես՝ «Դու մեր փրկի՜չն ես»:

***

Երկու հրեուհի զրուցում են: Մեկը մյուսին ասում է.

-Եթե քո տեղում լինեի, կամուսնանայի Իսահակի հետ: Նա հաստատ գիտի, թե ինչ է ուզում:

-Ո՛չ, ավելի լավ է Մոյշայի հետ ամուսնանամ: Նա հաստատ գիտի, թե ինչ եմ ուզում ես:

***

Սառային հյուր է գալիս Աբրամը: Տանտիրուհին հյուրասիրում է նրան.

-Ձեզ մեծ բաժակով սո՞ւրճ տամ, թե՞ փոքր բաժակով կոնյակ:

-Ավելի լավ է՝ մեծ բաժակով կոնյակ: