Շարլ դ'Օբյուսոնը՝ Բյորնի սենյորը, շատ անառակ անձնավորություն է եղել: Նա նույնիսկ գայթակղել է կուսանոցներից մեկի մայրապետին (ինչն այն ժամանակ այնքան էլ դժվար չէր): Այդ մայրապետը նրանից չորս երեխա է ունեցել։ Նրա կինը՝ Ժաննա դը Մոնտալը՝ Բորնի տիրուհին, որը ոչ միայն պարզապես խանդել է ամուսնուն, այլև լուրջ հիմքեր է ունեցել վախենալու, որ ամուսինը ցանկանում է ազատվել իրենից, 1532 թվականին դատարան է դիմել և անառակ Շարլին մեղադրել է բազմաթիվ սարսափելի հանցագործությունների մեջ, որոնց թվում առաջին տեղերից մեկում եղել է մայրապետի հետ կենակցությունը։ Տիկին Ժաննան կարողացել է հասնել ոչ միայն իր ամուսնու ձերբակալությանը, այլև նրա դատավարությանը: Դատարանն էլ որոշել է շատ խստորեն պատժել Բորնի սինյորին և նրան դատապարտել է մահապատժի: Ամուսնական անհավատարմության համար դժբախտին գլխատել են:
