Статьи

17-րդ դարի ֆրանսիացի աշխարհահռչակ առակագիր և բանաստեղծ Ժան դը Լա Ֆոնտենն իր ներշնչանքը կամ մտահղացումները թղթին է հանձնել՝ ուր որ պատահի, ստեղծագործելու համար հարմարավետ պայմաններ երբեք չի փնտրել: Ցանկացած անհարմարավետություն նրան ամենևին նեղություն չի պատճառել և չի մարել գրելու կիրքը: Նա զուտ ստեղծագործական աշխատանքի համար ո՛չ առանձին աշխատասենյակ, ո՛չ էլ առանձին գրադարան է ունեցել:

Բայց և այնպես նա ունեցել է մի աշխատասենյակ, որտեղ թեպետ գրեթե չի աշխատել, սակայն այն զարդարել է հին փիլիսոփաների՝ գիպսից և թրծակավից պատրաստված արձանիկներով, որոնց մի մասն իր ձեռքով է պատրաստած եղել: Հավաքածուն նրան զվարճացրել է, և նա այդ խցիկը «Փիլիսոփաների սենյակ» է անվանել: