Լատինական այբուբենի բոլոր ձայնավորներից այբբենական հերթականությամբ կազմված այս հապավումը Հռոմեական սրբազան կայսրության տիրակալ Հաբսբուրգների տան կարգախոսն է իր մեջ ամփոփել:
Գաղտնագիտության (էզոթերիկա) սիրահար Ֆրիդրիխ 3-րդ (1415 – 1493 թթ) կայսրն է այս կարգախոսի ակունքում: Նա սովորություն է ունեցել այս հապավումն արձանագրել ճաշասեղանի իր սպասքի, իր զինանշանների վրա և ամրոցների պատերին:
Ֆրիդրիխ 3-րդն ամբողջ կյանքում այս հապավումը չի բացել, չի բացահայտել հերթականությամբ շարված այս ձայնավորներով գաղտնագրված բառերը, բայց մահվանից քիչ ժամանակ առաջ նա ասել է, թե հապավումը նշանակում է «Alles Erdreich ist Oesterreich untertan» Austria's empire is our universe» («Ամբողջ աշխարհը Ավստրիայի ենթական է»):
Սակայն, այլ վերծանումներ էլ են եղել: Դրանց մեծ մասը լատինական արտահայտություներով կազմված քաղաքական բովանդակություն են պարունակել.
«Austriae est imperare orbi universo» («Ավստրիային է վիճակված ամբողջ աշխարհի ղեկավարումը»),
«Austria erit in orbe ultima» («Ավստրիան լինելու է աշխարհի վերջին պետությունը»),
«Austria est imperio optime unita» («Ավստրիան լավագույնս միավորված էր կայսրությամբ»):
Գերմանացի պատմաբան Յուգեն Ռոզենսթոք-Հյուսին էլ 1951 թվականին փորձել է ապացուցել, որ հապավումը թաքցրել է
«Austria Europae Imago, Onus, Unio»
(«Ավստրիան Եվրոպայի պատկերն է, բեռը և միավորումը») արտահայտությունը:
Միջազգային լեզու դարձած անգլերենն էլ հապավումի վերծանման այս տարբերակն է հրամցրել.
«Austria's empire is our universe» («Ավստրիական կայսրությունը մեր տիեզերքն է»):
