Articles

Նապոլեոնյան կայսրության բազմաթիվ զորահրամանատարների և մասնավորապես Կայսրության մարշալների անուններով Փարիզում կա առնվազն մեկ փողոց կամ պողոտա: Այդ պատվից զրկվել է միայն կայսրի մարշալներից մեկը՝ մարքիզ դը Գրուշին (1766 – 1847 թթ.), որովհետև նա է եղել Վաթերլոուի ճակատամարտում Նապոլեոնի պարտության անուղղակի պատասխանատուն (1815 թվականի հունիսի 18-ին, ղեկավարելով իր հրամանատարությանը հանձնված զորամասերի գործողությունները Վավրայի ճակատամարտում, նա անհրաժեշտ նախաձեռնողականություն հանդես չի բերել և իր զորքերը չի տարել Վաթերլոու՝ Նապոլեոնին օգնության):