Loading...
Վկոնտակտե

Articles

Զբոսայգին՝ վարչապետների սպանության հարմար վա՞յր

18:13, Saturday, 16 October, 2021
Զբոսայգին՝ վարչապետների սպանության հարմար վա՞յր

1951 թվականի հոկտեմբերի 16-ին սպանվել է Պակիստանի առաջին վարչապետ Լիակատ Ալի Խանը:

Նա մեծ դեր է խաղացել բրիտանական գաղութատիրությունից հետո Պակիստանի անկախության միջազգային ճանաչման գործում և իր երկրում արժանացել է «ազգի հայր» ոչ պաշտոնական տիտղոսին:

Ալի Խանը կարողացել է էականորեն նպաստել Հնդկաստանի և Պակիստանի միջև ընթացող պատերազմի դադարեցմանը: Նա ԱՄՆ-ի հետ իր երկրի համար շահավետ պայմանագիր է կնքել, լավ հարաբերություններ է հաստատել Արևմուտքի հետ, և դա արել է այնպես հմտորեն, որ երկրի ներսում գործող իսլամիստական կազմակերպությունների առաջնորդներն աջակցել են նրան:

55-ամյա վարչապետը սպանվել է Ռավալպինդի քաղաքի զբոսայգում կազմակերպված հանրահավաքում ելույթ ունենալու ժամանակ: Նրան սպանողը՝ ծագումով աֆղանստանցի, երկու գնդակ է արձակել, որոնք խոցել են վարչապետի կուրծքը: Ալի Խանի թիկնապահներն ահաբեկչին տեղում գնդակահարել են:

Հետաքննությունը չի կարողացել պարզել սպանության դրդապատճառը, չի կարողացել բացահայտել պատվիրատուներին:

Հիշյալ քաղաքի նույն զբոսայգում 2007 թվականի դեկտեմբերի 27-ին, իր համակիրների կազմակերպած հանրահավաքի մասնակիցների առջև ելույթ ունենալիս, սպանվել է նաև Պակիստանի կին վարչապետ Բենազիր Բհուտոն:

To promote the post
The article published in the Spokesperson project.
Sign up and publish your articles.
Like
0
Dislike
0
| | |
620 | 0 | 0
Facebook