Loading...
Թելեգրամ

Articles

Ադրբեջանում Նիդերլանդների դեսպան տիկին Պաուլինե էիզեման Ադրբեջանի կողմից գրավված Շուշի քաղաքում մասնակցել է դիվանագիտական հավաքին

02:31, Wednesday, 14 July, 2021
Ադրբեջանում Նիդերլանդների դեսպան տիկին Պաուլինե էիզեման Ադրբեջանի կողմից գրավված Շուշի քաղաքում մասնակցել է դիվանագիտական հավաքին

Bezoek Nederlandse ambassadeur in Azerbeidzjan aan bezette Shushi


     Ադրբեջանում Նիդերլանդների դեսպան, տիկին Պաուլինե էիզեման մասնակցել է Շուշիի դիվանագիտական հավաքին.

Այդ մասին հրապարակել ենք Նիդերլանդների ՀՅԴ Հայ Դատի հանձնախմբի բողոքի նամակը հասցեագրած Ադրբեջանում Նիդերլանդների դեսպանին` Նիդերլանդերեն լեզվով, այժմ հայերեն թարգմանությունը.
    
    

Հարգարժան տիկին Էյզըմա,

Տեղեկություն ստացանք, որ դուք նույնպես մասնակցել եք դիվանագիտական հավաքին, Ադրբեջանի կողմից գրավված Շուշի՝ քաղաքում։ Նիդերլանդների հայկական համայնքը խորապես հիասթափված և վրդովված է ձեր մասնակցության կապակցությամբ։ Չափազանց տարօրինակ է, որ դուք նման քայլի եք դիմում այն ժամանակ, երբ մեր երկրի խորհրդարանը խստորեն դատապարտել է Ադրբեջանի քաղաքականությունը և հստակ ուղերձներ է հրապարակել այդ երկրում ցանկացած միջազգային բնույթի միջոցառմանը մասնակցելուց ձեռնպահ մնալու վերաբերյալ։ Դուք ընդունում եք Ալիևի նման տխրահռչակ բռնապետի հրավերը։ Մենք ցնցված ենք, որ դուք բարոյական բոլոր արժեքներին հակառակ, ամբողջական արհամարհանք եք դրսևորում հայ ժողովրդի, Նիդերլանդների հայկական համայնքի և Ադրբեջանում ապօրինի պահվող հայ ռազմագերիների հանդեպ։ Միթե՞ դուք տեղյակ չէիք, որ Միացյալ Նահանգների, Ռուսաստանի Դաշնության, Ֆրանսիայի և Գերմանիայի նման երկրների ներկայացուցիչները հրաժարվել էին մասնակցել այդ հավաքին։ Սրանք իմիջիայլոց այն երկրներն են, որոնք ԵԱՀԿ Մինսկի խմբի շրջանակներում միշտ հետապնդել են Արցախի հարցի խաղաղ հանգուցալուծման ճանապարհները։ Փաստորեն ձեր մասնակցությամբ դուք ապացուցում եք, որ այս երկրները ներկայացնող այս միջազգային կառույցի խաղաղասիրական քայլերին դուք դեմ եք։ Ամիսներ շարունակ Նիդերլանդների իշխանությունները տարբեր որոշումներով դատապարտել են Ադրբեջանի կողմից Արցախի բռնազավթումը, ինչպես նաև Ալիևի վերաբերմունքը հայ ռազմագերիների հանդեպ։ Այս ընթացքում Ադրբեջանը շարունակում է հայ ռազմագերիների ապօրինի բանտարկությունները և նրանց անօրինական դատապարտումները։ Խորհրդարանը չորս տարբեր որոշումներ է ընդունել այս հարձակողապաշտության և բռնատիրական քաղաքականության հանդեպ։ Ձեր մասնակցությամբ դուք ամբողջությամբ արհամարհում եք ժողովրդավարությամբ ընտրված մեր խորհրդարանի որոշումները։ Նիդերլանդահայության անունից մենք բացատրություն ենք պահանջում ձեր վերոնշյալ քայլերի կապակցությամբ և սպասում ենք, որ շատ արագ կարձագանքեք։

Նիդերլանդների Հայ Դատ հանձնախումբ
    
    

https://my.mamul.am/am/post/98535
    

     https://niderlandakan.livejournal.com/499179.html
    

     https://www.nidoragir.com/2021/07/bezoek-nederlandse-ambassadeur-in.html
    

To promote the post
The article published in the Spokesperson project.
Sign up and publish your articles.
Like
1
Dislike
0
| | |
899 | 0 | 0
Facebook