Loading...

Articles

Ինչո՞ւ – այդ հարցը իր բոլոր տարբերակներով հաճախ է հայտնվում գլխումս

Son Yan
Author:
Son Yan
12:56, Tuesday, 11 May, 2021
Ինչո՞ւ – այդ հարցը իր բոլոր տարբերակներով հաճախ է հայտնվում գլխումս
     Զրուցակիցս սիրված դերասանուհի Լուսինե Կոստանյանն է
    
     — Առաջին բանը որ անում եք արթնանալուց հետո
    
     —
Սիրում եմ մի քիչ էլ մնալ պառկած նախքան վեր կենալս, եթե կա իհարկե հնարավորություն
    
     — Դրական թե բացսական կերպար, որն եք գերադասում
    
     —
Ինձ համար ավելի կարևոր է, որ դերը հետաքրքիր լինի, ներքին և արտաքին գործողություններով հարուստ։ Կարևոր է նաև, որ կերպարը կառուցելու ու ստեղծագործելու ընթացքը հետաքրքիր լինի
    
     — Ձեր երազանքների դերը
    
     —
Չունեմ երազած դեր, ինձ համար կերպարները մարդիկ են, որոնց հետ ես սկսում եմ ծանոթանալ ու սիրել կամ գուցե և չսիրել ընթացքում (Ժպտում է)
    
     — Ճակատագիր կա՞, թե մենք ենք ընտրում
    
     —
Մեր կայացրած որոշումներով կառուցվում է մեր կյանքը, բայց ավելի մեծ, գլոբալ առումով կարծում եմ կա ճակատագիր։ Ամեն ինչ չէ, որ մեզնից է կախված, թեպետ շատ բան է կախված...
    
     — Գլուխը կկորցնեք...ինչի՞ց
    
     —
Հմմ..չգիտեմ, երևի անցել եմ էդ տարիքից, մի քիչ ավելի լավ գիտեմ գլխիս տեղն ու արժեքը որ կորցնեմ (ժպտում է)
    
     — Եթե հնարավոր լինել ծնվել նորից...
    
     —
Չեմ մտածել այդ մասին, եթե խոսքը ինչ որ բան փոխելու մասին է, չեմ կարծում, որ կփոխեի
    
     — Հարց, որից խուսափում եք
    
     —
Չեմ խուսափում, պարզապես չեմ սիրում խոսել սիրո, հավատքի ու այն բաների մասին, որոնք չափից շատ անձնական են
    
    
     — Սթրեսից ազատվելու ձեր տարբերակը
    
    
— Լավ երաժշտություն, հետաքրքիր գիրք, պետք է լսես ինքդ քեզ, միշտ չի, որ նույն բանն օգնում է
    
     — Եղել է դեպք, երբ ձեզ ճանաչել են և պարզապես նվիրել այն ինչ դուք ցանկացել եք գնել
    
     —
Եղել է
    
     — Կուզեիք մշտական բնակություն հաստատել այլ երկրում
    
     —
կուզեի ապրել Լոնդոնում, բայց մշտական ապրելու մասին այդքան էլ վստահ չեմ կարող խոսել
    
     — Կներե՞ք դավաճանությունը
    
     —
Միանշանակ աշխատում եմ ոչինչ չասել, դա կախված է մարդուց, նրա կարևորությունից իմ կյանքում, ու իրավիճակից..․Բայց մոռանալ դժվար թե կարողանամ
    
     — Ձեր մարմնավորած բացսական դերերի հետ կապված եղել են զավեշտալի դեպքեր
    
     —
վերջին դերիս հետ կապված («Սիրուն Սոնա» - Հեղինե) եղել են, մարդիկ ջղաինանում էին վրաս փողոցում, բայց դա իհարկե ինձ ուրախացնում էր, նշանակում է հավատացել են, նշանակում է ստացվել է
    
     — Իրադարձություն, որ փոխեց ձեր կյանքը
    
     —
Երևի թատերական ինստիտուտ ընդունվելը, չնայած իրադարձություններ, որոնք այս կամ այն կերպ փոխել են կյանքիս ընթացքը էլի են եղել
    
     — Գիրք, որ միշտ կարդում եք
    
     —
Գիրք, որը կարելի է միշտ կարդալ դա Աստվածաշունչն է։ Բայց կան գրքեր, որոնց վերադառնում եմ, օրինակ Բորիս Պաստեռնակի «Դոկտոր Ժիվագո» -ն երկու անգամ եմ կարդացել ու վստահ չեմ, որ էլ չեմ կարդա, ու էդպես էլի կան գրքեր
    
     — Հարց, որ մշտապես տալիս եք ձեզ
    
     —
Ինչո՞ւ – այդ հարցը իր բոլոր տարբերակներով հաճախ է հայտնվում գլխումս
    
     Սոնա Գիշյան
To promote the post
The article published in the Spokesperson project.
Sign up and publish your articles.
Like
0
Dislike
0
| | |
281 | 0 | 0
Facebook
COMMENT.am