1866 թվականին, բանվորական շարժման ազդեցության ներքո, լորդ Ռասելի գլխավորած կառավարությունը Անգլիայի պառլամենտի Համայնքների պալատին է ներկայացնում ընտրական իրավունքի մասին նախագիծ: Նախագծի քննարկման ժամանակ բանվորների ընտրական իրավունքը պաշտպանող ապագա վարչապետ Վ. Գլադսթոնը (1809 - 1898), դիմելով պահպանողական պառլամենտականներին՝ բացականչել է.
«Դուք չեք կարող ապագայի դեմ մարտնչել: Ժամանակը մեր օգտին է աշխատում»:
Երկրորդ նախադասությունը, որ շատ արագ տարածվել է հատկապես Ռուսաստանում, այնքան էլ ճիշտ չի թարգմանվել: Գլադսթոնն ասել է. «Time is on our side», որի ճիշտ թարգմանությունն է «Ժամանակը մեր կողմնակիցն է»: