Loading...

Articles

19-րդ դարի ամերիկյան զվարճապատումներ, որոնք գրի է առել Աբրահամ Լինկոլնը

21:22, Wednesday, 14 April, 2021
19-րդ դարի ամերիկյան զվարճապատումներ, որոնք գրի է առել Աբրահամ Լինկոլնը

Ռասել ազգանունով մի չարագործի հանցանքն այնքան մեծ է եղել, որ մահապատժի է դատապարտվել: Երբ նրան կառափնարան են բարձրացրել, որպեսզի գլխատեն, գրպանից հանել է ժամացույցն ու տվել է դիմացը կանգնած եպիսկոպոսին՝ ասելով.

«Սա ձեզ պահեք, այն ձեզ է հարկավոր, չէ՞ որ ժամանակն է ցույց տալիս: Իսկ ես դեպի հավերժություն եմ գնում, և այնտեղ ես դրա կարիքը չեմ զգալու»:
     ***

Փեթ անունով մի իռլանդացու պատրաստվում են կախել: Նա դահիճներին խնդրում է.

«Միայն թե պարանը վիզս չգցեք: Ես խուտուտին չեմ դիմանում: Ավելի լավ է թևատակերիցս գցեք: Եթե պարանը կոկորդիս կպնի, ծիծաղից կմեռնեմ»:
     ***

Ամերիկայի անկախության համար անգլիացիների դեմ կռվող մի իռլանադացի զինվոր կարողանում է երեք անգլիացու գերել: Հրամանատարը նրան հարցնում է, թե այդ ինչպես է կարողացել միայնակ երեք հոգու գերել:

-Շատ հասարակ, պատասխանել է իռլանդացին, ես նրանց շրջապատեցի:

To promote the post

Like
0
Dislike
0
| | |
325 | 0 | 0
Facebook
COMMENT.am