Loading...

Articles

YerevanRide-ի կանաչ հեծանիվները այսուհետ հնարավոր կլինի պատվիրել gg հավելվածի միջոցով:

16:16, Thursday, 06 August, 2020
YerevanRide-ի կանաչ հեծանիվները այսուհետ հնարավոր կլինի պատվիրել gg հավելվածի միջոցով:

gg-ն (Ջիջին) եւ հավելվածի միջոցով «հեծանիվների վարձույթ» ծառայություն մատուցող YerevanRide ընկերությունը հայտարարում են Երեւանը «հեծանվայնացնելու» նոր համագործակցության սկիզբ:
     YerevanRide-ի կանաչ հեծանիվները այսուհետ հնարավոր կլինի պատվիրել gg հավելվածի միջոցով:
     Այսուհետ հարյուր հազարավոր Ջիջի օգտատերեր մեկ հպմամբ կարող են վարել YerevanRide-ի կանաչ հեծանիվները:
     «Սա պատմական իրադարձություն է հայ գործարար աշխարհում, իր տեսակի մեջ եզակի համագործակցություն: Այն քարոզում է առողջ ապրելակերպը, թարմացնում քաղաքի դիմագիծը, բարձրացնում Մեծ Հայքի բիզնես մշակույթը» - ասում է gg ընկերության հիմնադիր Խաչատուր Գրիգորյանը:
     YerevanRide ընկերությունն առաջիններից էր, որը ուղիղ մեկ տարի առաջ այս նույն օրը գործարկեց բջջային հավելվածի միջոցով հեծանիվների վարձույթը Երեւանում եւ սկսեց քաղաքի «հեծանվայնացման» գործընթացը: Այսօր արդեն կարող եք տեսնել ընկերության հեծանիվները քաղաքի գրեթե բոլոր փողոցներում:
     «Շատ կարեւոր է այն հանգամանքը, որ հեծանիվներն առկա համաճարակային իրավիճակում ամենաապահով փոխադրամիջոցներից են, եթե ոչ՝ ամենաապահովը: Այն պարզ պատճառով, որ հեծանվորդը վարելու ընթացքում պրակտիկորեն չի շփվում այլ մարդկանց հետ: ggIsolated-ի հետ մեկտեղ YerevanRide-ի հեծանիվները միտված են օգնելու մեր քաղաքացիներին հաղթահարել թագավարակը: Մեր մայրաքաղաքն ավելի տեխնոլոգիական, առաջադեմ եւ էկոլոգիապես մաքուր դարձնելը բոլորիս նպատակն է եւ բխում է բոլորիս շահերից: Մենք հավատում ենք, որ հեռու չէ այն օրը, երբ Երեւանի կենտրոնում հեծանիվների քանակը կգերազանցի ավտոմեքենաներինը», - ասում է YerevanRide ընկերության համահիմնադիր Ալբերտ Մանուկյանը:

Promote this post
The article published in the Spokesperson project.
Sign up and publish your articles.
Like
0
Dislike
0
5794 | 0 | 0
Facebook