Ամե՜ն, ամե՜ն անգամ, Բարին հաղթո՜ւմ է Չարին,
Արդեն քանի՜ անգամ, արդեն քանի՜ տարի,
Բարիներնե՞րն են քիչ, թե՞ չարերն են շատ-
Չե՛մ հասկանում ոչինչ, ա՜խ, աշխա՜րհ, աշխարհ:
Աշխարհում չար բա՞ն, (ե՛կ մի՜ ծիծաղիր)
Աշխարհում չար բան այդ ե՞րբ է եղել,
Միշտ էլ բարին է նման պահերին
Բացակա եղել…
Կհավատաք թե ո՜չ, վկա՜ է Աստված-
Կռիվ երբե՛ք չի եղել Չարո՜ւ ու Բարո՜ւ՝
Մի՜ քիչ մեղավոր, մի՜ քիչ ուշացած,
Դա՛ Բարին է եկել Տե՛ղն իր ընկնելու:
Ասա տեղդ վե՛ր ընկիր, ո՞ւր ես թողնո՜ւմ, գնում,
Չէ՞ որ երբ չկաս, քեզ Չա՜ր են ասում:
Ս.Ումառ-Հարությունյան