Այս մասին վկայել է հռոմեացի գրող Պլինիոս Ավագը (մ.թ. 24 - 79):
«Եվ այդ պատճառով արևելյան երկրների բնակիչները չեն տեսնում Արևի և Լուսնի երեկոյան խավարումները, իսկ արևմտյան երկրների բնակիչները չեն տեսնում առավոտյան խավարումները. իսկ կեսօրին տեղի ունեցող խավարումները հաճախ տեսանելի են (թե՛ արևելքցիներին, թե՛ արևմուտքցիներին): Արբելի մոտ Ալեքսանդր Մեծի փառահեղ հաղթանակի ժամանակ Լուսինը, ինչպես պատմում են, խավարել է գիշերվա երկրորդ ժամին, և այն հենց այդ ժամին ծագել է Սիցիլիայում: Մի քանի տարի առաջ, կոնսուլներ Վիպստանոսի և Ֆոնտեոսի կոնսուլության տարում (մ.թ. 60 թվական), մայիսյան կալենդներից մեկ օր առաջ (ապրիլի 30), ցերեկվա յոթերորդ և ութերորդ ժամերի միջակայքում Արևի խավարում է տեղի ունեցել Կամպանիայում:
Կորբուլոնը՝ Հայաստանում գտնվող զորքերի հրամանատարը, հաղորդեց, թե այդ նույն խավարումը Հայաստանում դիտարկվել է առավոտյան տասներորդ և տասնմեկերորդ ժամերի միջակայքում.ահա այսպես, շնորհիվ Երկրի գնդաձևության, խավարումը ոմանց աննկատելի է լինում, ոմանց էլ՝ նկատելի, և՝ հակառակը»: