Մասնագիտական առարկաներին զուգընթաց Աբովյանի N1 արհեստագործական պետական ուսումնարանի ուսանողները մեծ սիրով ու պատասխանատվությամբ են մոտենում նաև ՙՀասարակագիտություն՚ առարկայի դասավանդմանը:
Վերջերս կորոնավիրուսի կանխարգելմանն ուղղված միջոցառումների շրջանակներում ուսումնարանում անցկացվում են հեռավար դասընթացներ:
ՈՒսումնարանի ՙՀասարակագիտություն՚ առարկայի դասախոս Ժ. Ասլանյանը տեխնիկական միջոցների համադրմամբ ուսանողներին է ուղարկում տեսանյութեր և լուսանկարներ և դրանցով կազմակերպում հեռավար դասընթացներ:
- Հասարակությունը, հանդիսանալով մարդկանց ամբողջություն, ենթադրում է, որ հասարակագիտության ուսումնասիրության առարկան իր մեջ ընդգրկում է նաև մարդուն առնչվող մի շարք հիմնահարցեր, -ասում է դասախոս Ժ. Ասլանյանը և հավելում. հասարակագիտությունը կարելի է համարել նաև գիտություն մարդու կյանքի մասին, որը կենսագործունեթյուն է ծավալում հասարակության մեջ:
