Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Հայաստանի կեղծ ժողովրդավարության մասին պետք է իմանան բոլորը, այդ թվում ԱՄՆ-ում
Իշխանությունից որևէ բան պահանջող կամ որևէ հարց բարձրացնող մարդիկ համարվում են սադրիչներ և հակահեղափոխականներ:
Յուրաքանչյուր մարդ կամ խումբ, որը համարձակվում է հարց բարձրացնել ենթարկվոմ է հոգեբանական հարձակման համացանցում: Սա կառավարման տեխնոլոգիա է, ինչը հաջողությամբ կիրառում է Փաշինյանը:
Ամոթալի և դատապարտելի է, երբ նման ստոր ձևով երկիրը բաժանել են հեղափոխականների և ռևանշիստների:
Հերթը այսօր սևազգեստ մայրերինն էր: Վաղը կարող եք լինել դուք, ով կհամարձակվի հարց բարձրացնել կամ կարծիք հայտնել:
Նման «դեմոկրատիաներ» աշխարհում շատ են եղել, բայց բոլորս գիտենք դրա վերջը ինչ է եղել»:
