2001թ. այս օրը՝ սեպտեմբերի 11-ին, ահաբեկչության հետևանքով Նյու Յորքի Համաշխարհային առևտրի կենտրոնի երկու երկնաքերների փլատակների տակ զոհվեց ավելի քան 3000 մարդ: Այս օրը ԱՄՆ նորագույն պատմության մեջ մտավ որպես ամենաողբերգական օր:
Այս օրը նաև մեզ համար պետք է դաս լինի, որ մենք հասկանանք, որ բռնությունը բռնություն է ծնում, որ չի՜ կարելի գնալ փողոցներում դատաստաններ տեսնելու և արդարադատություն կայացնելու ճանապարհով:
Այս օրը պիտի առիթ և պատճառ դարձնենք, ինքներս մեզ նայելու համար, մեր ներկա իրավիճակին գնահատական տալու համար:
Ո՞րտեղ ենք մենք ապրում՝ համատարած կեղծիքի, ստախոսության, ատելության, թույնի և թարախի մթնոլորտում: Համատարած ատելություն է տարածովում և անվստահություն նաև ոստիկանության և դատական համակարգի նկատմամբ:
Սթափվե՜ք:
Եթե ձեր տարածած ատելության քարոզի «շնորհիվ» մարդիկ սկսեն չապավինելով ոստիկանությանն ու դատական համակարգին, իրենց հարցերը լուծել ուժով, զենքով, սպառնալիքներով ու բռնությամբ, ո՞վ պիտի պատասխան տա:
Դուք մեր սահմանապահ զինվորների կյանքը, առողջությունն ու մեր պետականության գոյությունն եք ռիսկի տակ դնում:
