Loading...

Articles

Սեպտեմբերյան ղողանջներ Աբովյանի N1 արհեստագործական պետական ուսումնարանում

16:05, Sunday, 01 September, 2019
Սեպտեմբերյան ղողանջներ Աբովյանի N1 արհեստագործական պետական ուսումնարանում
     Կրթությունը և գիտելիքը, որպես արժեք, հնուց ի վեր հայ իրականության մեջ ունեցել են իրենց կայուն տեղն ու նշանակությունը:
     Գրքի ու գիտելիքի հանդեպ խոր հարգանքն ու կրթություն ստանալու ձգտումը հայերին բնորոշ կողմերից են համարվել: Եվ պատահական չէ, որ մեզանում սեպտեմբերի 1-ը` որպես նոր ուսումնական տարվա սկիզբ և Գիտելիքի օր, միշտ էլ տոնական է լինում:
     Ահա այսպիսի սպասելիքներով և երազանքներով են այսօր մանկավարժների, վարպետ-դաստիարակների հետ հանդիպման եկել
     Աբովյանի N1 արհեստագործական պետական ուսումնարանի ուսանողները:
     Հանդիպման մասնակիցներին ողջույնի ջերմ խոսքեր հղեց ուսումնարանի տնօրեն Մամիկոն Շահբազյանը.
    
     -Շնորհավորում եմ բոլորիս նոր ուսումնական տարվա սկիզբն ավետող սեպտեմբերի 1-ի, Գիտելիքի, դպրության օրվա առթիվ, որով սկսվում է հույսերով լի ուսումնական տարին, -շեշտեց ուսումնարանի տնօրեն Մամիկոն Շահբազյանը և նշեց.
     -Ցանկանում ենք հետաքրքիր, հայտնություններով հարուստ ու հաջողություններով լի ուսումնական տարի: Իմ ջերմ շնորհավորանքներն ու բարեմաղթանքներն եմ հղում բոլորիս:
     Հատկապես ջերմորեն եմ շնորհավորում առաջին անգամ ոտք դնողներին` նրանց մաղթելով լուսավոր ճանապարհ և բարձր առաջադիմություն, իսկ մանկավարժներին, ում վստահված է սերունդների կրթության և դաստիարակության դժվարին գործը, հաջողություններ իրենց շնորհակալ աշխատանքում:
     Դեպի գիտելիքի աշխարհ մուտքն ազդարարող այս օրը բոլորիս տոնն է:
     Բոլորին մաղթում եմ առողջություն, բազում հաջողություններ, բազմաթիվ նվաճումներ ու վերելքներ կյանքի առեղծվածային ճանապարհներում:
    
    
     Գիտելիքը հզոր ուժ է, որը միշտ էլ օգնում է ավելի ճիշտ ապրել` հարստացնելով մարդու միտքն ու հոգին:
To promote the post

Like
0
Dislike
0
| | |
2024 | 0 | 0
Facebook
COMMENT.am