Loading...

Articles

Աշոտի մոտ չհավաքվե՞նք, չասե՞նք իրար` բարի եկար

01:22, Wednesday, 03 July, 2019
Աշոտի մոտ չհավաքվե՞նք, չասե՞նք իրար` բարի եկար

Աշոտի մոտ չհավաքվե՞նք, չասե՞նք իրար` բարի եկար,
     Մեր քունջութին արի այսօր խառնենք մի քիչ մեղր ու նեկտար,
     Դու քո ձիրքը, ես իմ լիցքը մաս-մաքուր տանք անձրևներին,
     Ով ի՞նչ գիտի, վաղը հարբած ո՞նց կձուլվենք անցորդներին։

Դու տաղ կասես, ես՝ շարական, Սուրենն էլի թող ասմունքի,
     Մեջ բերելու ինչ էլ մնա տոնացույցից հայսմավուրքի,
     Մայիսի պես հացերեցին ունկ կդնենք մինչև գիշեր,
     Որ ճոճելով տարուբերենք թասում սուզված աստղ ու հուշեր։

Հետո պիտի տաքսի նստենք, դղրդոցով որ հեռանանք,
     Վաղվա օրով հիմա արի այս գիշերը չմոռանանք,
     Իմ մանկության տան պատերը ածխահամ են, թե արտասվեմ,
     Ես ի՞նչ գիտեմ, թե մեկ էլ երբ ինքս ինձ հետ կառերեսվեմ։

Այս նկարը հիշում ես չէ՞… հաղթանակած մեր մայիսին․․․

To promote the post

Like
0
Dislike
0
| | |
2039 | 0 | 0
Facebook
COMMENT.am