Loading...

Articles

17-րդ դարում ապրած չին իմաստասեր Չեն Գաոմոն` ծիծաղելիի մասին

10:18, Saturday, 23 March, 2019
17-րդ դարում ապրած չին իմաստասեր Չեն Գաոմոն` ծիծաղելիի մասին

Բարի ժպիտ է հարուցում`

սուր լեզու ունեցողը,

ուրիշներին նմանակելու շնորհ ունեցողը,

անծանոթ ընկերախմբում հայտնվելուց անմիջապես հետո յուրային դարձածը,

դիպուկ պատասխանել կարողացողը,

հայտնի պատմությունը նորովի մատուցել կարողացողը,

վիճողներին մեկ բառով սաստել կարողացողը:


     Զվարճալի վիճակ է.

երբ շտապում ես, բայց ստիպված ես սպասել, որ անձրևը կտրվի,

երբ տապ օրերին հնարավոր չէ առագաստանավից դուրս գալ


     Ծիծաղելի է մարդը,

երբ լուսնի ներքո զբոսնելու ժամանակ ստիպված է լինում տուն վերադառնալ,

երբ հանկարծակի հիասթափվում է,

երբ հնազանդվում է ծուլությանը:


     Ծիծաղելի է թվում`

այն պճնված գյուղացին, որը քաղաք է եկել, որպեսզի հարազատներին Նոր տարվա առթիվ շնորհավորի,

ճամարտակող, պարծենկոտ հարբածը,

բարի գործերի դիմաց հատուցման մասին պատմությույունից արցունք թափող մարդը,

իր խոսքը գրքերից քաղված ասույթներով հեղեղող գյուղացին,

պորտաբույծ անբանը, որ ձևացնում է, թե շատ է հարգում տիրոջը,

այն մարդը, որի մորուքն ուտելիս խանգարում է իրեն:


     Զրուցակիցներ, որոնց հետ կարելի է ծիծաղել`

գեղեցիկ երգչուհին,

մոտ ընկերը,

հոգով երիտասարդ մարդը,

թափառաշրջիկ հարբեցող վանականը,

նա, ով քեզ հաճելի է,

մաշված բարոյախոսությունը դեն նետած ուսուցիչը,

տաղանդավոր դերասանը,

ճգնավորը:


     Կատակելիս զգուշացիր`

դիպչել ուրիշի ինտիմ գործերին,

ծաղրել նրան, ով ինչ-որ բան չի հասկանում,

անդրադառնալ ընտանեկան կյանքին,

ծանակել հին իմաստուններին,

աջակցել վիճողներից մեկին,

մարդուն անախորժ վիճակի մեջ դնել,

բռնազբոս ծիծաղել, երբ ծիծաղելի չէ,

կատակի վրա բոլորից շուտ ծիծաղել,

արտահայտել իր անբարյացկամությունը,

շատախոս լինել:

Promote this post
The article published in the Spokesperson project.
Sign up and publish your articles.
Like
1
Dislike
0
4184 | 0 | 0
Facebook