1988թ դեկտեմբերի 7-ին ցնցվեց Հայոց աշխարհը: Հայաստանի տեսած ամենասարսափելի երկրաշարժը խլեց հազարավոր կյանքեր: կորուստներն անդառնալի էին, ցավը անտանելի էր ու բոլորինն էր: Հայաստանի կողքին կանգնեց ողջ աշխարհը, օգնության ձեռք մեկնեցին մեծ ու փոքր ազգերը` ով ինչով կարող էր....
Անցել է արդեն 30 տարի, այսօր կարող ենք միայն հիշել ու ցավակցել զոհվածների հարազատներին և աղոթել, որ ազգս այլևս չտեսնի նման արհավիրք, որի թողած վերքերը մինչ օրս թարմ է ազգիս սրտում:
«Քեզ համար Հայաստան» խորագրով դաս-միջոցառում էր կազմակերպել Կոտայքի Ս.Վարդանյանի անվան միջնակարգ դպրոցի պատմության ուսուցչուհի Անահիտ Ավետիսյանը 11-րդ դասարանում: Միջոցառման հիմքում Շառլ Ազնավուրի հայրենանվեր գործունեության հիշատակումն էր երկրաշարժի օրերին:
