Articles

Նկուղում

Հնամաշ իրերի միջից

Մի տաբատ գտա՝

Մանկության մի ճի՜չ…

Չափեցի՝ ծնկներիցս էր,

Որ մի ժամանակ երկար էր եղել վրաս

Ուղիղ երեք մատ՝

Փոշո՜տ, ճմրթվա՜ծ

Մի հրավիրատոմս էր դեպի իմ անցյալ…

Միգուցե՞

«Հի՜ն շոր, հի՜ն կոշիկ» ձայնից վախեցել,

Փախել մտել էր ներքնահարկ,

Կամ էլ տատիկիս հսկող աչքերից

Կծկվե՜լ, թաքնվե՜լ էր թթվի տակառի տակ:

Գտա՜ մանկությունս՝

Գրպանում փոքրիկ փայտե պարսատիկ

Ու…անեծքները մայր-ճնճղուկների: