ՀՀ ԿԳՆ-ում տեղի է ունեցել Էրազմուս+ BOOST ծրագրի շրջանակում Տալլինի տեխնոլոգիական համալսարան կազմակերպված ուսումնական այցի արդյունքների իրազեկում։ Նախարարությունից ուսումնական այցին մասնակցել են ԿԳՆ բարձրագույն կրթության վարչության գլխավոր մասնագետներ Տաթևիկ Ղարիբյանը և Արսեն Հակոբյանը: Նրանք ներկայացրել են Էստոնիայի բարձրագույն կրթության համակարգի ֆինանսավորման քաղաքականությունը, կրթական համակարգի ներկա զարգացումները և արդյունքները, միջազգային գործունեության խթանման նպատակով Տալլինի համալսարանի փորձը և կրեդիտային շարժունության ընթացիկ վիճակը։ Բանախոսներն անդրադարձել են նաև համալսարանական համատեղ ծրագրերի իրականացման արդյունավետ կազմակերպմանն ու կառավարմանը, համատեղ որակավորումների ճանաչման միջազգային փորձին առնչվող մի շարք հարցերի:
ՀՀ կրթության և գիտության նախարարություն