Ս/թ հոկտեմբերի 2-ին «Էվրիկա» կենտրոնում տեղի ունեցավ հանդիպում ծնողների հետ։ Քննարկվեցին ծնողներին հուզող հարցերը, խմբավար` Զոյա Մատինյանը ներկայացրեց սեպտեմբեր ամսվա ընթացքում մեթոդաբանությամբ տարվող աշխատանքի արդյունքները։ Ի ուրախություն մեզ որոշ երեխաներ արդեն հետաքրքված են սովորելով, ոմանք արդեն մասնիկներ գրելու փորձեր են կատարում։
Սիրելի՛ ծնողներ, անչափ շնորհակալ ենք դրական արձագանքների համար։ Մեր աշխատանքի կարևոր մասը արդյունքն է, ինչն արդեն նկատելի է։ Ուրախ ենք, որ շատ ծնողներ արդեն իրենց երեխաների մեջ նկատում են մեթոդաբանության ազդեցությունը, դա մեզ պարտավորեցնում է էլ ավելի շատ աշխատել։ Մեզանից յուրաքանչյուրը պատրաստ է իր ներդրումն ունենալ կրտսեր սերնդի զարգացման և ձևավորման գործում։
Մենք անում ենք հնարավոր ամեն ինչ, երեխաների առօրյան հագեցած անցկացնելու համար։
Շնորհակալ ենք վստահության համար…
«Էվրիկա» կենտրոն
