Դավթաշեն վարչական շրջանի թիվ 200 հիմնական դպրոցում անցկացվեց ՀՀ սպորտի և երիտասարդության հարցերի նախարարության նախաձեռնությամբ մեկնարկված «Լավագույն մարզական նախադպրոցական հաստատություն» մրցույթի համայնքային փուլը, որտեղ իրենց մասնակցությունն ունեցան Դավթաշեն, Ավան, Նորք-Մարաշ վարչական շրջանների մանկապարտեզների սաները: Մրցույթի հաղթող ճանաչվեց Դավթաշեն վարչական շրջանի թիվ 60 մանկապարտեզը, երկրորդ տեղը գրավեց Ավան վարչական շրջանի թիվ 56, իսկ երրորդ տեղը՝ Դավթաշեն վարչական շրջանի թիվ 62 մանկապարտեզը:
